無綫藝人江嘉敏剛剛完成新劇《非常檢控官》拍攝，不過拍攝臨近尾聲，她都是病住來拍，咳到飛起，久起未癒的她更引致氣管敏感，相當辛苦，至今還未痊愈。嘉敏接受東網訪問時坦言:「我咳咗個多星期，咳到夜晚都瞓唔到，又要開工真係好折磨，惟有咳住咁拍，個個都驚咗我，好在之前一啲重要對白場口已經拍晒，如果唔係都唔知點算。」
昨日，嘉敏於社交網晒出夾公仔及飲珍珠奶茶的相片，她留言：「人去夾公仔，我去夾公仔，我係都要去夾零食，個朋友頂唔住，話要請我飲珍珠奶茶氹咗我走，我開心到爆炸！心諗咳到咁都有奶茶飲，真係發達嚕！」點知一飲，這個細心友人幫她買了一杯「走冰走糖走珍珠」，令她哭笑不得。
