台灣搞笑藝人NONO（陳宣裕）被爆出對多位女士性騷擾，受害人之一「小紅老師」尋日（29日）發出最後通牒，並公開20名受害女子清單逼宮，要求NONO公開道歉，不過NONO一直潛水。今日（30日）赴北檢正式提告NONO，佢表示事發後已經集結差不多25位受害者，佢哋決定向NONO提出性騷、性侵、性侵未遂、強制猥褻、性侵未成年少女等罪名。
事發後小紅老師表示收到網民留言：「聽說你給NONO X是不用錢的，那我可以X你嗎？」小紅老師表示，自己聽到呢啲說話當下非常害怕，雖然佢每次孤軍一人企出嚟，為受害者們發聲，望落好勇敢，但其實佢一啲都唔勇敢，勇敢嘅係同佢分享受害經過嘅女生，因多位受害女性都係第一次願意開口提起被性侵一事，令小紅老師自覺責任重大。小紅老師續指大家係想要NONO一個真心道歉，並對NONO嘅態度心灰意冷，好希望以後唔再於螢光幕前見到佢。
