視后李佳芯（Ali）、何沛珈及梁超怡主持的無綫健康資訊節目《身體最誠實》，將就不同健康問題提供飲食、運動、科研、藥物、醫療等多方面新資訊，正修讀情緒管理的Ali，於節目中主持名為「Ali Says」的環節，透過分享自身經歷、為觀眾送上心靈雞湯發放正能量。
首集將探討認知障礙症、柏金遜症，Ali在主理的環節中，分享為腦退化題材拍攝短片的親身經歷，她說：「有次去護老院做資料搜集，因為疫情關係，家屬探望時間只得15分鐘，仲要隔住塊膠板，突然聽到個男人聲喺度嗌：『阿媽你認唔認得我呀？我係你個仔呀，你望吓我啦。』之後佢喊住繼續喺度講：『阿媽冇時間喇，得番幾分鐘，你認唔認得我呀？』嗰時聽完真係好心痛。」更呼籲大眾關心腦退化患者的同時，亦多關注照顧者心理健康。而節目亦會探討都市人「手機不離手」的現象，沛珈將落區為街坊即場進行「手機手」小測試，並會和超怡向專業物理治療師請教紓緩方法。
