TVB人氣花旦李佳芯（Ali）憑甜美外貌加上精湛演技，一直深得觀眾和網民喜愛。近日有馬來西亞粉絲就野生捕獲李佳芯同黎諾懿拍節目，拍下Ali近鏡無濾鏡嘅靚相，仲大讚係「人間美少女」。不過出名脾氣好嘅Ali，當日竟然因一事皺眉嬲嬲豬，睇到粉絲們都非常心痛！
李佳芯在馬來西亞被粉絲野生捕獲，粉絲們要求合照都冇托手掙，非常親民。從粉絲們所上傳嘅無濾鏡近照中可見，已經40歲嘅Ali依然靚爆鏡，臉仔細細，身上亦毫無贅肉，keep得非常好。網民都紛紛留言大讚，更稱Ali為「人間美少女」。
不過出名脾氣好嘅Ali，當日始終不敵馬來西亞高達40度嘅炎熱天氣，一度喺等埋位嘅時候皺起眉頭、唔出聲。網民見到Ali神船長袖衫拍攝都忍唔住戥佢覺得熱，仲話Ali夠敬業，喺酷熱天氣下拍攝都能夠保持笑容。
李佳芯Ali日前出席myTV SUPER七周年活動時，透露以往拍劇時曾受到情緒困擾：「以前拍劇會畀好大壓力自己，自己要求高，成日覺得做得不好，冇自信，容易緊張，拍喊戲喊唔出，拍完就爆喊。」所以在休息期間對情緖健康有所研究，並且修讀相關課程，希望自己能夠自己所學的知識，去幫助圈內外的朋友，網民都大讚李佳芯人美心善，肯將自己所學幫助身邊的人。
早前以代言人姿態現身myTVSUPER7周年活動的李佳芯，已獲無綫安排新工作，有指被逐步解凍，不過去年曾有消息指她將擔任劇集《慾》的女主角，預告片亦已出街，最後劇集不了了之，李佳芯接受傳媒訪問時表示：「劇集有時涉及係預算、人、故事要完整，公司對內容要求高，變化會大啲。原本3、4月會開拍，依家可能改到年尾。」李佳芯開到口講恨拍《智能愛人2》，而且準備好隨時入劇組，「有聽過會開拍《智能》續集，不過都係只聞樓梯響，一切等公司安排，我都好想再拍，始終阿寶呢個角色對我好重要。」
文章版權為新傳媒集團所擁有，原文請按： 网页链接
