準新娘湯洛雯（靚湯）今日（25日）出席美容店開幕活動，她表示最近跟男友馬國明接了不少外快，笑言：「佢搵多啲錢籌備婚禮，我就搵多啲錢做私己錢。」她透露馬國明終於忙完拍劇，空閒不少，兩人最近才第一次一齊游水：「我唔係着泳衣，我係着潛水衣，因為喺會所泳池好多人。」
靚湯自言為婚禮而積極做運動減肥，亦有逼馬國明健身：「係佢人生第一次健身，佢唔係咁鍾意，佢本身好鋼條身形，好瘦冇乜脂肪，我話想見到佢有六舊腹肌，佢依家有兩舊啦！希望可以一齊Keep得靚啲。」她目標是回復選港姐的身形，現時已減掉10磅，要再減10磅才達標。問到會否以性感造型影婚紗相晒收身成果？她說：「我哋唔會喺泳池影。（馬國明半裸攬住你影？）唔會咁做，咁浮誇，我哋想走浪漫路線，要輕鬆同開心。」她透露婚禮於年底在外地舉行，但仍未定姊妹團人選，亦未揀禮服，但已落實由妹妹擔任伴娘，否則怕對方嬲嬲豬。
