TVB處境劇《愛·回家之開心速遞》播出至今一直深受觀眾歡迎，不少演員亦憑角色成功入屋。不過隨著劇集已經播出超過六年，劇組開始頻頻送走舊人，換血加入新演員。有傳楊明將會跟隨女友莊思明空降《愛回家》劇組，飾演雷公私生子！
《愛回家》已經播出超過六年，劇組監製亦曾揚言會加入更多新血，早前就有曹永廉飾演性格衰到無朋友「陳永廉」加入劇組，近期又有莊思明以國際名模「張愛盈」一角加入。據悉莊思明男友楊明亦將以新角色「雷公」白彪私生子、正氣戅直的「湯圓」空降劇組，成為其出獄後首個固定劇組拍攝。
有新人加入就有舊人離開劇組，近日《愛回家》一連兩集突然交代Ivan（鄧永健飾）同無知May（趙希洛飾）分手，劇情發展得非常突然，唔少網民都留言投訴編劇突然拆散呢對CP，更有網民懷疑兩人是否被踢入雪櫃，不過兩人就相繼開Live回應指唔會離開劇組，主力依然會放在《愛回家》上。
《愛回家》播出多年，成功捧紅多位演員，不過其中唔少演員都突然被「送走」，其中包括被調到屯門貨倉的「Peter」杜大偉、狠心分手嘅「無知May」趙希洛飾同「Ivan」鄧永健等。而網民就表示最唔捨得被放逐英國的「熊心如」蘇韻姿同去吳旺達工作嘅「金城安」周嘉洛。
每次《愛回家》劇組都會係毫無征兆嘅情況下調走舊人，網民都開始覺得唔耐煩，紛紛嬲爆洗版式留言大罵，並表示將會罷睇《愛回家》：「愛回家已經沒有安仔，如果冇埋心如，怎樣看下去」、「連鐵膽都走埋，不如摺埋套劇算啦」、「唔係真要走呀！睇咗咁多年，每一個角色都好唔捨得。」等等。
文章版權為新傳媒集團所擁有，原文請按： 网页链接
