內地女星范冰冰早前亮相法國康城電…

內地女星范冰冰早前亮相法國康城電影節備受關注，每個造型都引起話題，近日佢就分享康城工作記錄，由卸妝、保養，以至重新化上艷麗妝容都逐一詳細講解。片中見佢以居家Look出鏡，簡單卸完妝後，皮膚白到反晒光，原來全靠隨身帶備嘅美容儀器，難怪唔化妝都一樣零瑕疵。

之後，佢又分享其中一個康城造型嘅妝容，原來不論上妝前、工作途中，以至搭車期間，佢都把握每分每秒，隨時隨地都進行保養，以免有乾紋、浮粉等情況，以保持最佳狀態示人，女明星認真唔易知。