藝人楊茜堯早前（24日）突然在IG貼上一個「嬲嬲」圖案，仲嬲爆咁講一段說話，令唔少網民揣測離婚暗湧，其後澄清是朋友問題。羅子溢近日出席活動，作為老公嘅佢再回應呢件事，仲大爆夫妻之道要「認輸」喎！
羅子溢承認平時夫妻小爭執一定有，他仲開玩笑地爆出金句稱，婚後一刻已輸，從結婚開始已冇諗過要贏！羅子溢透露現在還學懂了上火時不要即刻處理，待冷靜下來。對於自己無辜「中槍」，羅子溢補充一點：「她（楊茜堯）都係之後先知咁大件事，講唔好意思，我話冇問題，其實都冇咩。」
羅子溢又霸氣指唔介意「入佢數」，羅子溢表示太太的事即係佢嘅事，入佢數都係正常，唔佢佢數反而驚，羅子溢亦指自己第一時間馬上顧及太太感受，佢依家心情ok，一家人日前還去主題公園玩得很開心。另一方面，事件連累羅子溢被網友翻舊帳指他底花？羅子溢笑言冇理由的，我們不講以前，只講現在、將來，總之現在開心、健康就ok。
羅子溢透露7月赴馬來西亞拍新劇《家族繼承者》，逗留兩至三個月，適逢那段時間是自己與太太的生日，太太應該會飛往當地一同慶祝。被問到太太會否出山想拍劇？羅子溢稱有接觸，又指下年應該有機會。
藝人楊茜堯（前名：楊怡）在2016年嫁給老公羅子溢（前名：羅仲謙）後誕下一對仔女，一家四口生活美滿，不過早前（24日）楊茜堯突然在IG貼上一個「嬲嬲」圖案，仲嬲爆咁講一段說話，令唔少網民揣測離婚暗湧。
文章版權為新傳媒集團所擁有，原文請按： 网页链接
