藝人張致恒（Steven）同粉絲雯雯20…

藝人張致恒（Steven）同粉絲雯雯2019年奉子成婚，雖然至今2人育有3名兒子，不過婚姻生活就未如理想，從去年開始雯雯就周期性嗌離婚、揞名喪鬧張致恒，被網友戲稱為「離婚界KOL」。

而最近終於搬完屋展開新生活嘅雯雯，亦係昨日（26日）晒出孻仔1歲生日嘅合照，不過一家和睦嘅合照中就唯獨冇老公張致恒外，雯雯亦喺社交網寫道：「當然老公係我揀嘅，到死嗰日，所有嘢我都有責任，佢逃避嘅，我會去承擔返，放心！我個仔今日生日，我仲會生存！」不過隔唔到幾耐，雯雯就突然刪除該則貼文。