女星湯洛雯（靚湯）計劃今年下半年與馬國明舉行婚禮，依家未嫁人先慶生，本月6日係佢36歲生日，早前佢就專登晒過「男友視角」嘅日本旅行相，雖然馬國明依家忙拍逾抽唔到身，但都無損佢靚靚心情。靚湯尋日（9日）終於分享生日蛋糕相，以及同好姊妹慶生等合照，留言寫道：「Thanks for all the surprises and beautiful cakes❤️ lastbirthdayasamiss」。
但今次大家都冇留意佢個獨角獸公仔造型cake，或者佢素顏着睡衣拎小蛋糕許願，反而係重點關注佢個Hashtag「lastbirthdayasamiss#（意思即作為「小姐」稱謂的最後一個生日），明顯暗暗洩露婚期，親自證實出年生日前佢已經係「馬太」，為嫁人作最後倒數！
