無綫劇集《一舞傾城》演員鄺潔楹與陳星妤今日（10日）在西港城宣傳，兩人劇中有不少大膽尺度挑戰，一個有SM場面，一個則被後父強姦。鄺潔楹指拍攝SM被虐SM戲份，雖然是拍戲，但一點也不好受：「拍攝過程好真實，SM聲好刺耳，自己都有驚恐同徬徨感覺，發覺自己係唔鍾意SM，其實都幾唔舒服，明知係假，只係做戲，但係都要投入角色入面，係一個體驗，但唔享受。」
首次拍劇的陳星妤劇中獻出多個第一次，戲中被後父強姦，拍攝時要被摸及床戲，加上NG多次，感覺有點難受。問到首次演出就如此激情，可擔心被定型？她笑說：「希望之後可以着返晒啲衫，唔好被定型。希望角色性格、故事可以拯救到我露肉嘅第一次。」
