藝人李靖筠、楊天宇、朱鑑然、龔慈恩及張逹倫等，今晚（8日）出席英皇電影《電子靈》首映。身為女主角的李靖筠指該戲已於內地上架，但尺度被刪減了很多，港版會較原汁原味。當被問到拍攝時有否遇上靈異事件，楊天宇說：「有場戲喺𨋢拍，之前已經鎖𨋢，但唔知點解我哋入到去之後部𨋢就自動落樓，而且連續試過兩次，而且埋位前我試過耳仔痛，有啲唔舒服！」
問到二人會否因此嚇怕，李靖筠竟說：「又唔會喎，反而今次之後知道恐怖片點樣運作，每次睇呢類片種都估到邊個位會嚇人。」她又指開拍《電》片前，自己亦有睇鬼片作參考，且打趣：「我覺得《電》片如果恐怖指數5級滿分嘅話，最多都只係二級，大家可以放心入場睇戲。」
談到接下來的工作安排，楊天宇表示要等公司通知，但據悉年底他將夥拍謝霆鋒及陳偉霆開拍新戲。而李靖筠則指今年會花多點時間在音樂上，6月推出新歌：「我覺得做演員好被動，反而喺音樂方面可以多啲主導權，開心啲。」
