台灣女星徐熙娣（小S）因敢言嘅主持作風深受觀眾喜愛，而多年前佢同黃子佼、曾寶儀嘅三角戀更係超轟動，不過長達10年嘅冷戰後，三人如今亦終於冰釋前嫌，有番互動。而日前，喺節目上提到年輕時追星趣事嘅小S，更激罕透露當年與黃子佼拍拖點滴。
小S提到當年黃子佼係演藝圈負責主持日韓偶像活動嘅首選之一，而自己當時正瘋迷嘅日本音樂團體「DREAMS COME TRUE」（美夢成真）去台灣開騷，並請咗黃子佼做主持，而為咗一賭偶像風采嘅小S更苦求黃子佼帶佢到現場「冒充記者」追星。
最後黃子佼不只應承帶佢去見偶像，更係活動結束後介紹佢畀偶像認識：「她是台灣的主持人，很喜歡你們」，貼心舉動亦令小S當場又喊又跪，甚至激動到喊：「黃子佼我要嫁給你！」
