女星陳自瑤（Yoyo）向來係廿四孝媽媽…

女星陳自瑤（Yoyo）向來係廿四孝媽媽，永遠將囡囡王靖喬（QQ）放喺第一位，近日QQ 11歲生日，Yoyo當然花盡心思為囡囡慶祝，原來佢事前一早計劃好去烘焙店，親自炮製生日蛋糕，向囡囡送上驚喜，佢仲拍片記錄整個過程並放上社交網開心Share，見蛋糕有三層顏色，面頭仲鋪滿五顏六色嘅棉花糖，加埋現場嘅氣球布置，充滿少女味，Yoyo仲透露：「最近真的很忙，前陣子還病倒了，幸好還能抽空為小寶貝送上驚喜，小寶貝生日，我做的生日蛋糕還可以嗎？」做人媽媽真偉大！至於老公王浩信雖然一如往常未有出鏡，但就連續派Like，用行動支持老婆。