名模熊黛林（Lynn）2016年與郭可盈弟弟郭可頌結婚後，誕下雙胞胎女兒，今個月一對孖女過5歲生日，Lynn就勞心勞力搞Party氹囡囡，十足廿四孝媽咪。近日佢就繼續晒出一家人外出踏青嘅相，忽然有網友懷疑嘴巴微微凸起嘅細孖Lyvia係腺樣體面容，更陸續有網友留言表示認同！而網友口中所講嘅「腺樣體面容」，係指由於腺樣體肥大導致面骨發育發生障礙，頜骨變長、齶骨高拱、牙列不齊、上切牙突出、唇厚、缺乏表情面容等。
此留言一出，就嚇到熊黛林急急回覆：「我的孩子都很健康，謝謝關心。」其他網友亦表示依家啲人太得閒，成日懷疑呢樣、懷疑嗰樣，指摘佢哋攻擊熊黛林囡囡外觀，又大讚熊黛林脾氣好，仲多謝網友關心。
