鄧萃雯、錢嘉樂和張崇德今日（18日）在中環街市出席《跳出劏房的音樂兒童》展覽啟動禮。雯女自言喜歡音樂，但小時候屋企未能有條件讓她學習，笑言否則現在可能已經成為音樂家，她說：「讀書時好羨慕屋企可以畀錢學琴嘅同學，我只可以玩啲唔使錢，好似打籃球、詩歌班，要請老師、買樂器要錢，屋企一定唔支持。入行買咗色士風學習，但因為拍劇後來都放棄咗，現在又唔夠恒心和決心，都明白唔應該放棄，學習亦冇年紀界限。」
講到黎耀祥指《巾幗梟雄4》有眉目開拍，她說：「係咩，等我打畀佢先，我畀咗期好耐，畀咗好多次期，睇吓幾時開拍，希望唔好等到花兒也謝了啦，哈哈。」
