前港姐冠軍陳曉華早前於尖沙咀驚遇…

前港姐冠軍陳曉華早前於尖沙咀驚遇「借襪怪客」，嚇到花容失色，立即「飛車」逃亡，事後仍心有餘悸。近日佢終於走出陰霾，日前仲重返出事嘅油尖旺區，去到廟街喪影靚靚打卡相，佢喺社交網大晒一系列靚相，見佢着上斜肩上衣露單邊膊頭兼大騷迷人鎖骨，心口位置仲開窿玩「𠝹胸」，向當日喺台慶頒獎禮勇奪「最佳衣着獎」嘅戰衣致敬。而且佢全程笑晒口，相信心情已經平復。唔少網友大讚佢竟然可以將多年歷史嘅廟街，影到變成網紅打卡熱點，唔做旅遊大使嘥晒：「點解你打卡特別靚，明明個景完全唔特別」、「效果好好睇喎」。