藝人黃嘉樂去年底突然宣布離巢無綫，離巢後的他今日（9日）首度現身為新劇《發言人》宣傳，他表示感覺依然親切，沒有任何不同，問到離巢原因，他說：「我喺公司做咗一段時間，又完成咗爸爸個心願，就係可以演到啲主要角色，加上上年結婚同合約到期，所以想去其他地方挑戰自己。」問到是否有感多年來在無綫際遇麻麻？他認為每個人的際遇各有不同，坦言以前性格較內斂，直至認識太太後才變得開朗：「以前太多事擔心，成日愁眉苦臉，太太叫我要笑多啲，個人先會有好運勢。」他強調無綫很好，很早就提出續約，又感恩公司過去一直給予很多機會，自己是帶着開心的心情離開。
至於今後是否會到內地發展？他坦言：「希望將來香港內地兩邊走，太太都好支持，佢有時間都會陪我去內地工作，我下星期就會去內地拍網劇，酬勞都吸引。」他笑言若娘家不嫌棄的話，非常樂意為娘家拍劇，他亦有份參與無綫劇《逆天奇案2》的拍攝，對於生仔大計，他稱為此要更努力工作，因為養小朋友花費不菲。
