38歲張致恆（Steven）近幾年運氣好濕滯，除咗曾經疑似一腳踏五船，仲被爆出周圍問人借錢過日子，搞到老婆都俾人追數，喺香港嘅形象簡直插谷底，被網民叫慣世紀賤男嘅張致恆敗走內地，最近仲由更淪落到喺酒吧賣唱，仲被人拍晒片，話佢身形完全脹咗幾個碼，連基本唱歌都喪走音，再次成為網民恥笑對象。
自從張致恆形象插谷底之後，幾乎在香港都冇乜人吼，最近仲敗走內地，由以前嘅力捧小生地位淪落為酒吧賣唱。有網民最近在社交平台，公開張致恆在開平一間酒吧演唱的影片，可以見到張致恆靚仔樣幾乎消失，雙下巴幾乎睇唔到條頸，五官輪廓黐埋一齊，身形腫脹目測達XXL碼。 據知當日張致恆忘我演唱《死性不改》，瘋狂賣弄高音同埋飆音，可惜失準到變成喪走音，網民都話聽到好難堪，覺得張致恆歌喉仲衰過陶大宇咁話：「不掉酒瓶已很包容」、「最佳走音男歌手！」
張致恆的醜聞不斷，有指他近日仍然被欠債一事搞到焦頭爛額，除了他本人被不斷追數外，更令妻子雯雯亦受牽連。有指因為Steven欠債，追數公司見收數無果，開始向雯雯埋手，對她作出訊息轟炸，揚言Steven不斷出軌之餘，亦希望雯雯能夠代替老公還清債務。
眼見自己被老公牽連，雯雯亦狠下心腸，決定與Steven劃清界線！她在社交平台發長文，開頭寫道：「只會講一次，亦不會私下回覆所有，所以唔需要不段轟炸我」，可見她不斷受到追數相關的訊息滋擾。內文當中最重要的一句寫道：「如果你搵我係想講我老公，曾經問你借錢，而又未還錢嘅，好抱歉，我都冇錢。」態度十分明確，與老公劃清界線的同時，亦公開表明自己亦無錢還。
雯雯在文中最後作出總結，直指不論追數人士做甚麼，甚至是想「公開曝光一切」，她都無任歡迎，更直指「不會影響到我」。隨後，更貌似理性地為對方分析利弊，寫道：「不過你哋公開，佢冇工作，一樣不會有錢畀你哋。」
二人婚變傳聞傳足幾年，今次雯雯就在社交平台再次回應，直指：「我選擇得依家嘅路我就要自己去承受。」又表示，就算離婚都會有好多種原因：「如果你哋嘅目的係想我哋離婚，我諗我可以同你講我已經有我嘅路行，若果我真係要離婚，我諗我可以有好多原因，但係一定唔會係因為一個又一個嘅你哋嘅故事。」
「死性不改」的張致恆自上個月被老婆雯雯鬧爆，再次引起「離婚風波」，睇到一眾網民都一頭霧水，忍唔住問到底兩人肯離婚未。不過，1月9日，雯雯又再次出文狂轟張致恆，今次直接怒插老公：「做人窮唔緊要，但如果做人唔爭氣，樣樣嘢都仲要懶，咁就係廢。」
文章版權為新傳媒集團所擁有，原文請按： 网页链接
