一〇年《香港先生》八料冠軍…

一〇年《香港先生》八料冠軍，現年三十七歲的翟威廉，一一年與港姐冠軍陳庭欣因經常孖住工作，而日久生情；不過，一向對戀情低調的他，即使多次被傳媒撞破拍拖，但他都不願公開情侶關係。直至兩人分手後，威廉才承認跟女方拍過拖五年。
其後，轉玩音樂的威廉，因經常邀請熱愛音樂的藝人及歌手，到其band房一同jam歌，而與歌手麥貝夷（Karene）撻着。奈何兩人拍拖一年多，他不認愛之餘，更唱通街：「其實一直係被佢（女方）纏擾住⋯⋯」還指自己與前度陳庭欣分手後一直單身，更大爆自己有不同國籍的性伴侶。至二一年，據悉被「男友」貶為「炮友」的Karene，因這事終日以淚洗面，更一度令抑鬱病復發，要睇精神科醫生，靠藥物穩定情緒。
而曾在日本留學的威廉，早幾年已在港經營日本清酒生意。上月底，他又飛到當地不同的清酒廠參觀兼傾生意；期間，他亦有在社交平台上載照片，但都是他的單人相或風景相，未見有女伴同行。不過，東姑的閨密早前從大阪回港，在飛機上的商務艙就見到威廉同一位長髮女子一齊。該女子戴住黑色cap帽、幾乎全程低着頭，但看其身形竟然跟麥貝夷極為相似。在飛機準備降落一刻，長髮女突然衝咗去洗手間，搞到空姐急急拍門，擾攘多時她才肯出來。落機後，威廉突然跟女伴變陌路人，前後腳去攞行李離開，行為相當可疑。