羅天宇、周志康、周志文等日前到澳門參加慈善籃球賽，天宇直言經常有練波：「我哋一直都有一班Tvb同事一齊打波，每個星期打幾晚。好開心今年我哋Hero籃球隊成軍10年，一班志同道合既朋友同事，一齊去用籃球做慈善。大家都係因為籃球熟悉。疫情前每年都會有慈善團體邀請Hero，今次可以話係通關後第一個籃球Trip，期待咗3年，除咗參加慈善賽，我哋亦有探訪老人院同公公婆婆玩遊戲。（打籃球有冇安排啦啦隊？）好多女fans同啦啦隊！全部都係老人院既婆婆。」
羅天宇還指3年後再到老人院探訪，見番不少熟悉的公公婆婆，感覺得奇妙，覺得很開心及有意義，至於周志康亦表示：「真係開心，我哋10年前開始去探訪老人院，今次見番好多熟悉嘅面孔，真係好開心，老友記個個都好好，同我哋大講一啲鼓勵說話，有位老友記仲攞番10年前嘅1張相畀我哋簽名，佢話依家啲牙都甩晒，同埋有一個好鍾意喺影相時錫我哋，好可愛。
