無綫小生丁子朗與上位小花郭柏妍傳秘撻…

無綫小生丁子朗與上位小花郭柏妍傳秘撻，雖然二人同聲否認戀情，不過佢哋就時不時有「蛛絲馬迹」，令人對二人關係生疑。近日中環舉行一年一度國際大型音樂及多媒體藝術節，吸引唔少圈中人都有去聽音樂。郭柏妍前日（6日）喺Story晒出去音樂節打卡片，當中就見到佢現場的攤位製作手工編織羽毛頸鏈。

而丁子朗同日亦有晒出自己出席同一個音樂節，有眼利網民發現佢頸上飾物正正就同郭柏妍製作嘅飾物高度相似，加上同行藝人鄧卓殷亦有孖住男友郭子豪去睇騷，Rosita都有同對方合照留念，但就明顯避開唔post同丁子朗合照，被質疑刻意避嫌。