影帝劉青雲與郭藹明係圈中模範夫妻…

影帝劉青雲與郭藹明係圈中模範夫妻，不時被拍得結伴買餸，近日2人再被內地網民野生捕獲，現身尖沙嘴一間餐廳，望住維港景色撐枱腳歎美食。該網民晒出與劉青雲合照，相中見劉青雲戴住口罩、Cap帽，全身包到冚，而郭藹明則背對鏡頭，坐在旁邊整理銀包，其手袋只價值數千元，以影帝太太而言相當貼地。該網民又透露因不想打擾低調嘅郭譪明，故未有集郵，但大讚對方保養得宜身材好好，又指當日坐佢哋兩公婆隔離枱，2人臨走前仲主動講再見，非常親民。