邵氏劇集《廉政狙擊》現正熱播，劇中不乏大尺度場面，包括陳楨怡玩SM、傅嘉莉被非禮等，刺激眼球，當中女星謝芷倫更化身「國際淫媒」Miranda S，控制陳楨怡等人賣淫，一改昔日斯文秘書形象，一出場就Deep V示人，好大突破，雖然只係短短客串幾集，但已獲得網民大讚，佢亦有喺社交網大晒造型照，並留言：「超喜歡Miranda S這個角色，國際知名淫媒呢個角色非常之大膽，演Miranda S完全係突破咗自己，亦非常享受演呢個角色。記得當時我係一口答應做呢個角色，好多謝公司畀呢次機會我。試造型嘅時候，試咗好多比起呢套露腰戲服更性感嘅服裝，有一套上身係一個bra款嘅靚衫添啊！所以我無時無刻都要鞭策同操練好自己，包括身形管理，好似呢套衫為例，細細件同露腰，平時我有操開fitness，所以我有腹肌襯托呢件衫。」
邵氏劇集《廉政狙擊》現正熱播…
