藝人張致恒（Steven）與雯雯鬧離婚多時，今日（1日）雯雯發出最後通牒，表明不會再心軟，要同Steven劃清界線，更承諾會獨力照顧3個囝囝以及3隻狗狗：「2023不能再跟一些沒進步的人在一起，這樣只會累搭累，係時候要喺唔同嘅方向搵出路，救自己同個屋企，但需要嘅時間都唔短，希望你們6能夠等我。承諾，能夠正常返學。承諾，有三餐。」
雯雯又控訴Steven冇畀錢屋企，甚至連囝囝返學嘅車錢都冇：「如果因為冇錢畀小朋友搭車返學，而導致小朋友一次又一次要請假，我覺得呢種父母要好好想一想，你到底怎樣向小朋友解釋，為甚麼不能出門返學。」網民紛紛留言力撐佢靠自己：「加油，為母則強」、「佢呢種人永世唔會改，改都係得個講字」、「叻女，靠自己好」。
