藝人高海寧（高Ling）、彭慧中和陳星妤等，主持無綫節目《吃貨橫掃曼谷》。今日（18日）記者會上，高Ling等以傳統泰國服亮相，席間播放相關節目片段，包括幾位靚女做Spa，及穿上泳衣戲水，令現場氣溫Hot爆，不過陳星妤則因病臨時缺席。
高Ling透露所有「性感演出」都有打底：「最開心係今次做Spa，可以做足全套，喺曼谷差唔多隔日就做，皮膚都真係滑啲，最鍾意係頌缽形式Spa，覺得對頭痛有幫助，成個人放鬆晒。（想學相關課程？）想，返到香港都有再了解。」
她又指節目拍攝煞科後，父母專誠飛往當地與自己會合：「我哋再留咗兩星期，去到泰國郊區玩，仲住森林度假村，又去咗古堡食飯。（好開心。）係，因為好耐冇試過一家人去旅行，對上一次已經係2017年。嚟緊我要開新劇《NEWS新聞女王》，所以趁開工請盡情玩，今次嗎同馬國明大量對手戲，又有很同佘詩曼第3次合作，都好期待。」
