陶大宇今日（28/1）現身太子出席新春關愛派飯活動。被問到會否回流返香港發展演藝事業？大宇表示：「其實今年好特別，因為好多單位搵我合作做事，咁啱而家又過年，仲未開市又未歸位，已經有好多初步嘅接觸，變咗我需要時間去篩選，至於做啲乜嘢，我就稍後公佈。（無綫有搵過你傾拍劇？）佢哋係有搵過我，不過可能係嗰吓咁啱傾唔到啫，係我嘅問題，唔關佢哋事。可能係時間上同角色上配合唔到，加上我麻鬼煩，又好奄尖。（你奄尖啲乜？）可能係要求同感覺。（係咪角色戲份少？）佢哋搵得我戲份係唔會少，不過我對自己有信心嘅。」
今年大宇留港渡歲，陪伴家人之餘也相約朋友聯誼一下。問到內地已經開關，今年工作計劃是否更方便？他表示，開了關便不像過往那麽緊張，過往每次想返內地也需花半個月時間才可以踏足，那便要計劃好，現在只需做核酸檢測便可，他說：「現在鍾意便可以過去做，去年已完成之前內地的工作，算是找清數，現在要平衡一下生活， （賺夠了？ ）不會，錢不會嫌多。」
追問他新年期間家人可有催婚？大宇笑言：「沒有，我曾經結過婚，家人不會那麼緊張，最緊要大家開心， （有結婚計劃嗎？ ）一定有，有生之年會啩，（另一半需要一個安穩的答案？ ）一定會， （會大搞婚禮嗎？）看情況，不會設宴，最緊要開心，令我以後有好日子過。哈哈！ 」
