早前有連登仔以一張簡單的手繪圖開post尋找TVB女甘草，當時樓主形容：「把聲成隻鴨，有粒大粒墨喺嘴角，做開啲野蠻角色。」結果開Post短短4分鐘，已有網民成功解答，原來樓主要找的是69歲李楓！據網民透露，李楓現住在一間老人院，仲行得走得好精神；不過，有指李楓晚年生活悲慘，曾因腦部生水瘤需要做手術，但因為付不起私家醫院費用，只能去公立醫院排期。至日前，李楓終於「蒲頭」向傳媒交代近況！
近日，網民成功召喚出人稱「御用八婆」的69歲TVB資深女演員李楓，她向傳媒坦承已入住老人院約一年，並謂很好彩獲院方分配獨立房間，居住環境不錯，私隱度亦上算高，更笑稱：「講電話都唔怕俾人偷聽。」提到外間傳她晚景悽慘，李楓說：「我唔覺得境況淒涼，有個地方住仲想點？」她續指最壞的日子已過去，雖稱不上豐衣足食，但現能有三餐溫飽已很感恩。
李楓一生大起大落，原在銀行工作的她於1975年誤打誤撞報讀TVB藝員訓練班入行，之後轉往影壇發展，曾演出電影《射鵰英雄傳續集》、《我未成年》等。早年李楓曾經有過一段姻婚，惜老公沉迷炒股，全家由九肚山豪宅搬到去村屋，她甚至賣嫁妝為夫還債，更經歷兩次破產。後來李楓受不住，在1995年決定離婚，返TVB拍劇養活一對子女，更因貧窮只能日花20元，惟回巢後卻遭投閒置散，她曾於受訪時說：「我好內疚，屋企風光嗰幾年，我做唔到個好媽媽，唔會攬佢、錫佢，日日掛住吃喝玩樂、打麻雀高朋滿座，又或者去演戲。我唔識得教育佢哋，所以有段時間佢哋唔鍾意我呢個阿媽，我明白呢樣嘢係冇得原諒。」
至2007年，李楓在舞台劇《鄧碧雲夜遊古蹟》主演扮粵劇名伶鄧碧雲，大受歡迎，不過之後腦部生水瘤，原本要做開腦手術，但她付不起私家醫院費用，只能去公立醫院排期做手術，更一度痛到要爬地求醫，雖然後來手術成功，但卻留下健忘等後遺症，對演員來說打來極大打擊，她甚至在化妝間重遇曾演母子的王傑，亦認不出對方。
曾於2012年轉投香港電視的李楓，演出過重頭劇《導火新聞線》，又與元華等甘草擔正《惡毒老人同盟》。後來因港視未獲發牌，她於2015年重返TVB演出處境劇《愛．回家》系列，亦在多部電視劇演出閒角，現時李楓已約滿離巢。
