去年離巢無綫的視后唐詩詠，工作上已有連串計劃，不過41歲的她感情未有著落，備受關注。在大年初二，好友張曦雯帶混血男友茶敍見家長，合照中除了有唐詩詠份，仲有曾經與她傳緋聞的伍允龍，被指似Double Dating，而唐詩詠就話今年有買桃花催愛情運，睇嚟佢自己都心急。
單身多年的唐詩詠一直不乏追求者，不過她近年選擇寄情工作， 日前趁大年初二，她參與好姊妹張曦雯的見家長茶敍，緋聞男友伍允龍亦在場，有指十足Double Dating一樣。
唐詩詠與伍允龍去年合作劇集《鐵拳英雄》，曾被影到以辣跑接載男方所以傳出緋聞，事後詩詠表示伍允龍拍打戲時幫助她不少，笑言當人情還給他，強調只是朋友關係，今次大年初二再一齊現身張曦雯的家庭活動，難免被指感情大躍進。
唐詩詠把合作po上社交網後，不少網民都留言祝福她早日找到自己所愛，有人讚她與伍允龍走在一起好合襯，還催她快些結婚。唐詩詠接受日前亦曾表示有高人指點，過年前已去買桃花催旺桃花，期望事業、愛情兩得意！
至於再與伍允龍傳緋聞，唐詩詠接回應傳媒時例牌否認，對於被指有新戀情，她表示對伍允龍就像師傅般尊敬，新年要向師傅拜年。而伍允龍受訪時亦表示剛巧在香港所以約埋一齊食飯，仲叫大家唔好誤會。
唐詩詠於2019年跟「英識教育創辦人」男友陳思銘分手後，一直單身，去年再有新緋聞，有指她因為拍無綫劇《鐵拳英雄》，而與同劇拍檔伍允龍撻著，去年2月14日情人節兩人一齊出席劇集宣傳活動時，唐詩詠被發現大膽出手摸伍允龍胸肌，活動後她更揸住架黑色辣跑，親自接載伍允龍離開。事後唐詩詠對傳媒表示只是正常車一個朋友去搭車，叫大家唔使小題大做，但就指拍劇時伍允龍好照顧自己，但指劇集已拍完兩年，現在才傳緋聞似乎已變了舊聞。
現年41歲的唐詩詠，雖然有「不能錯過的女友」稱號，不過多年來情路坎坷，同崔健邦及洪永城的感情都未能開花結果，失敗經驗令她深怕公開戀情帶來壓力，再墮愛河亦堅決唔公開。
文章版權為新傳媒集團所擁有，原文請按： 网页链接
