TVB總經理（節目內容營運）曾志偉今日（22日）出席新春節目《喜氣洋洋玉兔賀新歲》，談到新年願望，他表示最重要大家開心，皆因做節目的目的也是想大家開心：「呢個都係我哋做節目嘅初心，希望同事順利、平安，將節目做好，不忘初心同心去做節目，相信觀眾一定會感受到。」至於今年目標，曾志偉表示要與香港一同出發，更指現在疫情過去加上又開關，及政府有新的班子跟巿民一起向前出發，問到會否製作多點海外節目？曾志偉說：「正如麥玲玲師傅講，我屬蛇今年驛馬星動，未來我哋係計劃去唔同地方同唔同政府、平台合作，我哋之前都去咗日本，佢哋好想推廣疫後的日本。」
至於以粉色打扮現身的堪輿學家麥玲玲，近年常在大陸工作的她表示通關是好事，因為她曾經試過隔離6次：「7日、14日、21日，我都試過，已經成為隔離達人，不過在大陸的時間多，亦多了很多朋友，是好事。」麥玲玲師傅又謂兔年在娛樂圈有利一些不高大及比較嬌聲的人，不過桃花旺的同時也有很多爛桃花：「例如會見到有啲大纜都扯唔埋的人一齊，可能只有幾個月貨仔，電影、電視都會蓬勃，但會遇到困難同是非多，容易犯法同互相攻擊。」
