黃翠如和洪永城這對由有線年代開始，到過檔無綫後仍孖住拍旅遊節目及拍劇，成為熒幕CP，就算已各自有了另一半，緋聞仍然未停過，兩人日前更毫不避忌，孖住出席無綫頒獎禮，仲要翹住手行紅地毯，事後黃翠如第一時間出po，貼出二人的翹手合照，被網民狠批又再消費洪永城！
黃翠如憑《遊走世界天與地》提名最佳女主持，最後敗給陳貝兒，但頒獎禮後仍開心些牙當晚的照片，但僅貼出翹住洪永城的合照，二人的笑容相當燦爛，同樣笑到四萬瞇晒眼的表情，並寫道：「看着這張相片，不知為什麼，有一種感覺是開學了，也有一種感覺是畢業了。#家人」，獲不少網民留言兼讚好，指二人是最佳熒幕CP，同時有人再度提起緋聞，黃翠如亦有回應網民留言，被指「有種感覺友達之上戀人未滿」，黃翠如即回覆：「又玩呢啲」。
洪永城亦有留言指他也差不多同一時間貼出合照，黃翠如秒回：「你贏咗小小」。而洪太梁諾妍亦有留言指老公洪永城「個頭真係好大好大好大」，黃翠如回覆洪太：「佢最大優點係，所有女仔喺佢隔離都會靚咗」，有網民指洪太踩場宣示主權。
黃翠如不厭其煩回覆訊息，但其實是選擇性回覆，有不少網民留言指她消費洪永城就當睇唔到。有網民留言：「洪個正印唔會呷醋咩？你成日post佢老公」、「點解你永遠唔貼同自己老公嘅合照，而貼同人哋老公嘅合照？」、「黃翠如到人哋結晒婚仲喺度消費人老公講到懶曖昧，係都要搞住人搵存在感。」、「呢種女人，係老婆最憎嘅一種」、「人哋婚都結埋女都生埋，仲唔識避忌，有無諗過人哋老婆感受？」。
網民續批黃翠如：「成日強調同人老公有幾多經歷，我唔信老婆會唔hard feeling囉」、「就可能初時一齊拍野洪成想溝佢唔受，人地溝第個又唔抵得果隻囉」、「洪同唐姨拍拖果時，翠如仲可以做埋唐姨閨密，呢個女人認真唔簡單呀」，更有不少網民重提黃翠如前年賀洪永城結婚時的一篇曖昧長文，更以「我的洪大笨」稱呼！
文章版權為新傳媒集團所擁有，原文請按： 网页链接
