無綫一年一度的台慶頒獎禮明天(8日)舉行，今年不少新人及好戲之人都成功進身各獎項的10強。而「飛躍進步女藝員」方面，似乎以郭柏妍、劉穎鏇及陳嘉慧的呼聲較高，至於「飛躍進步男藝員」，黃庭鋒與林景程雙雙成為網民心目中之大熱人選。
黃庭鋒今年憑着劇集《雙生陌生人》、《超能使者》及綜藝節目《破解讀心理》及《香港小姐再競選》角逐「男飛躍」，亦是他第4年有份角逐此獎。庭鋒接受東網訪問時被問到有否信心奪獎時，他謂:「今年好特別，以往角逐嘅都係以劇集提名多，今年綜藝都佔好特別，當然自己每年都有諗會否係自己，今年第4年，反而係最平常心一年，自己有份影場刊角逐已經好開心，(覺得邊個係勁敵?)論劇集方面，林景程《下流上車族》真係做得好好。」
不少藝人都會預先諗定得獎台詞，庭鋒被問及此時，他笑言:「其實我每年都有諗，唔係諗自己會攞，呢個係一個尊重，我每年都有想多謝嘅人，所以一定會諗定，至於攞唔攞到獎就隨緣啦！」
