《2025香港小姐競選》於今晚（31/8）舉行，馮盈盈、李芷晴、古佩玲、葉蒨文等女星及歷屆港姐都盛裝出席，陣容與台慶相差無幾。古佩玲穿着一襲銀白色晚裝，與她的氣質十分合襯又令人眼前一亮！
古佩玲接受訪問時，表示出席《2025香港小姐競選》決賽當晚勾起自己參加港姐競選時回憶，她說：「我嗰年我哋有玩水，台上面有少少水花，嗰時候個個都好小心，因為着住高踭鞋好驚跣，嗰時我係有跣咗一下。」她也表示，發覺今年的參選佳麗的學歷都特別高。
早前古佩玲到內地宣傳後，有內地網民mean爆批評她整容，對於這些評論，她就大方回應：「我覺得網民有唔同意見係一件好正常嘅事，我亦好接受唔同意見。譬如我喺港姐個妝同今日個妝都唔同化妝師化。我一直都有接收意見，睇吓點樣可以愈嚟愈好，更加進步。（平時有睇呢啲留言？）都有㗎，但係都會好接受，但係好同唔好嘅評論都係作為自己成長一部分，亦好多謝批評我。」有記者問她，是否抗拒「整容」一事，她回答：「呢樣嘢好睇個人，如果有人鍾意嘅話，咁咪鍾意。」
