羅天字近年在劇集的破格演出，終於跳出「馬子仁」的舒適圈，展現有能力演出不同角色的可塑性。他預告將有更特破的反派演出，連自己也期待看見「壞咗嘅羅天宇」。
樣貌俊朗的羅天宇近年在無綫劇集《再見枕邊人》演繹出的粗獷、《婚後事》的喜感、到近期《巾幗梟雄之懸崖》的動作戲，終於擺脫長不大的「馬子仁」框框，進步讓人另眼相看，他說：「其實都好開心，因為咁多年都畀人感覺都好「馬子仁」，或者係一啲近似自己性格角色，作為演員handel到其他角色，畀到人另一種感覺，都幾有滿足感，尤其係之前拍《巾》打戲，好好玩、好鍾意，出嚟又幾有型，自己都好有滿足感。」
2008年參選香港先生入行的天宇轉眼17年，37歲的他終於搣甩脂粉味，笑言現在是「半生熟」階段，有信心發展會愈來愈好：「我都開始老，但係對男仔都係好事，以前成日都畀人話只可以做細佬、人哋個仔角色。去到30歲都話個樣仲未夠成熟，做唔到孭飛角色，可能嗰陣遇唔到啲角色。
近年天宇拍劇的確遇到多位提攜他的伯樂，將他重新塑造，發掘他的另一面，天宇笑說：「有啲監製係有呢方面嘅癖好，好想睇到我嘅另一面，我就因為呢啲癖好而有機會試唔一樣角色，好感恩佢哋有咁嘅想法，自己係好怕走出舒適圈，但亦覺得好需要走出舒適圈，自己好難做到，係需要人幫。嚟緊都有啲走出舒適圈演壞人、唔討好嘅角色機會，自己都未試過，咁耐以嚟連壞少少嘅角色都未做過，自己都幾期待壞咗嘅羅天宇係點。」
