藝人陳楨怡演出的內地劇集《無相之城》近日出街，劇集是4年前還在疫情期間拍攝，當時她要隻身到橫店開工，更經歷了1個月的隔離，故看到劇集正式出街，感受良多。她接受訪問說：「睇到劇集出街好夢幻，好似成就解鎖咁，諗返4年前，嗰陣仲要隔離1個月，但係呢１個月閉關都幫咗我好多，可以趁隔離嘅時間，專心準備，喺房狂煲古裝劇。因為要用普通話拍攝，仲要練習普通話發音，成本劇本都寫滿晒拼音。」
陳楨怡講到當時第一次拍內地劇，心情自然相當緊張，但慶幸一班對手對她照顧有加，亦沒有取笑她未夠標準的普通話，她說：「最記得第一次整古裝頭，原來個古裝頭除咗重，仲要整成3個鐘。有一晚凌晨好凍拍攝，喺橫店好靚嘅古裝景之中，感覺超現實，好似發緊夢咁，以為自己真係古代人，感覺好夢幻，亦都覺得自己終於成就解鎖，完成咗拍古裝嘅心願。」
