45歲「拿督千金」莊思敏（Jacquelin）又再成為話題人物，近日網上流出一段影片，片中見到莊思敏疑在餐廳內吞雲吐霧，更將疑為煙狀物傳給旁邊的男友人，另一條片又見到莊思敏聽著茄子蛋的《浪子回頭》邊搖擺身體跟住唱，其間見到男友人再將煙狀物傳給同場友人，因香港早於2007年已實施室內禁煙，不少網民怒斥莊思敏冇品。
莊思明稱莊思敏日常不吸煙
楊明與莊思明今日（14日）出席《愛•回家之開心速遞》宣傳活動，提到網上瘋傳莊思明家姐莊思敏在餐廳內疑似抽煙的片段，片中的她吞雲吐霧，亦將煙狀物交給友人。身為妹妹的莊思明，指姐姐日常不吸煙，相信參與私人聚會包場，可能飲少少酒拎過枝煙。
談到可覺姐姐需要「緝兇」擺放片段人士，莊思明表示覺得沒有必要，就算找到又如何，因為已經放上網。提到姐姐莊思敏貼出女生照片，疑似公審拍片者，莊思明說：「佢可能想知邊個做，現場都係識得嘅朋友。（姐姐心情如何？）呢件事唔係佢同我講，係我自己睇到。」
楊明為演舞台劇身形消瘦
在旁的楊明身形消瘦了不少，他表示減去十幾磅，亦有信心可以更Fit，又解釋減磅要演出舞台劇《雷雨》，因為在台上360度讓觀眾睇得到，所以要瘦一點，加上身手會更靈活，他說：「因為角色係礦工，所以我自己設計就曬黑粗獷啲，曬咗燈三星期。」楊明笑言演出時最擔心見到一班前輩同事入場欣賞，令他忍不到笑，所以事先已跟工作人員指有朋友或前輩一到場別通知他，他說：「我最驚單立文（豹哥）會嚟！佢係好好笑，唔知點解同佢一對望好開心。（安排豹哥坐後排？）我驚佢坐山頂位嗌落嚟。」
