無綫今日（13/6）於將軍澳電視城舉行《2025年上半年度傑出員工嘉許計劃頒獎典禮》，視帝譚俊彥（Shaun）獲頒發「傑出員工」獎項。阿Shaun接受《香港01》訪問時表示：「好多謝咁多人咁錫我，亦都多謝樂小姐提名我，咁多年來我一直都係做好自己，尤其上年見到陳豪《破毒強人》買毒品都可以攞到「傑出員工」獎，我成日都會笑佢。但佢係一個大哥哥嚟，而我喺佢身上學到好多嘢。」
Shaun又指在阿姐（汪明荃）身上學懂無綫精神：「每一次嘅綵排，阿姐喺台上都企得好耐，同埋每一次都好準時，人哋話TVB精神，呢啲係值得我哋承傳落去。（入行初期有冇遲到被人教訓過？）咁又冇，未試過遲到，呢個同性格有關，因為我係一個好怕遲到嘅人嚟，咁所以呢個性格係啱到呢行，但如果太早到都會為其他人帶來壓力但都冇所謂，情願我等人，好過人哋等我。」
