台灣女星大S（徐熙媛）於日本因流感併發肺炎逝世。大S臨終前，有指包括一對兒女與老公具俊曄、小S（徐熙娣）、S媽、妹夫許雅鈞及小S二女Lily、細女許老三都守喺身邊。然而同佢最為親近嘅小S大女Elly（許曦文），卻因為身在美國讀書，冇一同前往日本旅遊，導致未能見到姨媽大S最後一面。
據悉，大S遺體已於日本火化，前日（3日）小S女兒Lily、許老三先喺長輩陪同下回到台灣，而S媽尋日（4日）亦傳出已低調抵達松山機場。至於妹妹小S，將同姐夫具俊曄預計周四（6日）帶大S骨灰回家。至於Elly未能見到姨媽最後一面，如今傳出佢已由美國急奔返台。
Elly自去年起便暫停演藝工作，赴美就讀南加州大學，佢於去年底平安夜時，曾短暫返台，當時小S興奮晒出同愛女貼臉合照，而跨年夜，更成Elly同大S最後見面之約，家人好友齊聚一堂嘅大合照中，就見到S媽、大小S三姊妹、Makiyo及Elly等，每個人都笑得非常開心。
