一年一度的《萬千星輝頒獎典禮2024》已於前晚（19日）在澳門上葡京綜合度假村完滿舉行。今年賽果有人歡喜有人愁，得獎者當然好風騷，證明過去一年的演出獲得肯定。有網民近日在threads爆料，有在TVB頒獎禮中獲獎的女藝員在到處收兵，更獲讚是一位出色的「時間管理大師」。
女藝人三個特徵
網民透露女藝人三個特徵，第一是在今年《萬千星輝頒獎典禮2024》上獲獎，二是平時揸電動車，三是曾去旅行被傳媒撞破。不少網民火速將幾位女星對號入座，當中三位女藝人呼聲好高，引起不少人加入討論。
一眾網民留言估女藝人身份：「傅+莉？」、「火雞姐？」、「一定係Hera佢有講過佢揸電車」、「23年同羅天宇同遊日本，線索吻合」、「係咪爆大冷嗰位？」，有網民就認為只是大家想太多：「會唔會諗多咗呀？識下朋友咋喎？」
原爆料網民留言：「好多人睇到啲藝員攞獎，淨係識得喺度彈三彈四，冇諗過人哋背後付出咗幾多。朋友R君之前因為工作關係，認識咗一位女藝員，咁普通人通常都會有啲嚮往明星仔，透過送吓禮物，千辛萬苦終於有機會約到出嚟，有趣嘅係見面地點係停車場，因為條女屋企冇停車場，所以定時定候要去Mikiki叉電。」
網民續指女藝人在停車場爭取時間見面：「於是乎R君就同條女喺架車度食糖水，爭取叉電嗰少少時間。之後幾次都係咁，大約係話拍劇啲時間好瘋狂，唔知幾時收，所以停車場就成為咗佢哋嘅老地方。」
網民提到有一次女藝人表示要去獨遊，最後卻爆出與男藝員密遊：「直到有一日，條女話要自己一個人去旅行，嗰時我就鼓勵R君買張機票去撞佢，就算發現有男朋友咪自己一個玩囉，咁佢當然冇搏啦，結果返到嚟，就出晒新聞話佢同另一男藝員秘密一齊去旅行。」
網民暗諷女藝人的私生活融入演技：「本應呢個故仔都係明星收兵，冇乜特別，直到重溫返尋晚嘅頒獎典禮，見到條女上台攞獎，你就明一個成功藝人需要係一位時間管理大師，忙還忙，你私生活唔精彩，又點會演得出愛情嘅感覺？當我將得獎片段分享俾R君，佢俾咗張相我睇，原來今日嘅下晝，佢喺同一個停車場撞到條女，最有趣係下午茶時間，又有另一男仔餵緊佢食糖水，因為太遠睇唔到，唔知係咪木瓜雪耳，始終澳門返嚟都要補吓。」
