早前甩拖的藝人朱智賢（朱朱）最近經歷喪犬之痛，情緒跌入谷底，近日聖誕節，她在社交網出Po懷念愛犬，她寫道：「本來滿心期待將新屋布置得好有聖誕氣氛，可以同冬冬影返一啲靚相，好後悔無一早同佢影，喺電話搵到一張同佢喺聖誕樹前面嘅隨意自拍，都總算有番啲安慰，叫做有同佢影過聖誕相啦！17年來第一個沒有Dount的聖誕，媽媽會慢慢適應。」並上載跟愛犬冬冬在聖誕樹前的合照。
而承諾會慢慢適應的朱朱，昨日（26日）再度更新社交網，她終於收拾心情，孖好友蘇韻姿一齊出街感受節日氣氛，並影了多張靚相，兩個攬到實又作狀咀嘴，朱朱還肉緊捧實對方的臉珠，相當溫馨，她留言：「Who need a bf when you have a bff」看來有好友相伴，沒有另一半的她也不愁寂寞，網民見到朱朱再現歡顏，也安心不少。
