隨著《異空感應》進入高潮階段，何沛珈飾演的助手Ada角色成為焦點。在結局篇劇情中，Ada的神秘死亡不僅為劇集增添懸疑，也展示了何沛珈在動作場面的首次嘗試，何沛珈的表現引人注目！
何沛珈在《異空感應》中飾演的講師助手Ada，雖然出鏡率不高，但她的角色在劇中扮演了關鍵角色。特別下周劇情發展，她的角色在劇中被發現死於後巷的情節，為整個劇集增添了一層驚悚與懸疑。何沛珈接受《東方新地》透露她的拍攝經歷，她指今次拍攝過程難忘，雖然戲份唔多，但今次亦係第一次拍動作戲，「同埋其實武術指導都喺現場佢有教我嘅，但係我真係第一次完全唔識應，所以就撞到，第二日監製仲要打俾我問我有冇事，應該佢哋驚我腦震盪」，不過佢賣關子冇爆邊個係殺人凶手，叫大家睇落去就知！
何沛珈的拍攝經歷不僅限於動作場面的挑戰，她還在極端的環境條件下完成了拍攝。另外，這也是何沛珈第一次在一個比較骯髒的環境下拍攝，因為拍攝地點是在凌晨時分的後巷坑渠邊，這是老鼠蟑螂出沒的時間。 何沛珈坦言：「同埋要瞓喺地下，後巷嘅地下嗰種污糟我都要克服，好多人會對我嘅印象係港姐，或者做司儀，平時見到我哋都係靚靚咁樣出席，但係我都好想俾大家知道只要係我嘅角色需要，我咩都會去做，就算係瞓喺條好污糟嘅後巷或者隔離有曱甴老鼠我都唔會卻步。」
何沛珈又講到：「其實啲血漿係要大量黐住我塊面，見到我隻眼都係要緊閉，我都第一次咁樣，然後喺條街度洗頭，都因為嗰陣時係冬天就咁喺條街都唔會有熱水，所以都係攞凍水淋。」
今年分別獲提名「最佳女配角」及「飛躍進步女藝員」的何沛珈今年工作忙不停，她表示：「我套新劇《夫妻的博弈》拍緊，如火如荼！跟住27號定唔知26號開機另一套，所以嚟緊頒獎禮記者會我都係去唔到。」何沛珈又指嚟緊新劇嘅角色係一個好大嘅挑戰！
文章版權為新傳媒集團所擁有，原文請按： 网页链接
