36歲連詩雅（Shiga）去年與陳家樂結婚，並於今年誕下愛女Camila。產後火速修身嘅連詩雅日前現身HOY TV拍攝節目，事後接受訪問時仲自爆已經完約兼宣布離巢TVB……
連詩雅日前現身HOY TV，為節目《見招拆招風水局之佈局》進行錄影。作為TVB嘅小花現身隔籬台當然難免會被問合約問題，而連詩雅就大方承認已與TVB完約，正式結束6年賓主關係，現時已回復自由身。
HOY TV早前於記招上宣佈，將會開拍首部原創劇《我愛九龍城》，並將由陳家樂以及久違復出嘅岑麗香擔正做男女主角，令唔少觀眾表示十分期待！
而剛離巢TVB嘅連詩雅就表示唔介意孖老公同場拍戲，但如果係望住對方同另一個演員有感情戲，就感覺有啲怪，不過Shiga亦稱如果劇本有需，自己都可以接受親熱場口。
文章版權為新傳媒集團所擁有，原文請按： 网页链接
