現年79歲的梁珊於6、70年代出道，早年拍過國語電影，後來加入電視圈，效力過TVB及亞視。而梁珊的電影代表作就一定要數到《精裝追女仔》中，飾演張敏媽媽「刁太」，以及在《富貴逼人》飾演電視台高層「呂魔頭」，將「御用惡女」功力發揮得淋漓盡致。但90年代左右，梁珊突然沒有再拍戲，外界一直以為她息影，及後她曾到加拿大生活，後來回流香港，近日梁珊罕受訪談及近況，她透露自己從未退出幕前，「唔知點解冇人搵。」
梁珊日前接受楊紹鴻的YouTube頻道節目訪問，談到近況即舉起左手，示意自己受傷。原來梁珊疫情期間，在家門前落樓梯不慎失足，手腕留下的傷勢仍未完全康復，「跌斷咗隻手，年紀大，腳就軟，落樓梯踩空咗一級呀，成個碌咗落嚟，成個瞓咗喺度，我好清醒。我以為隻手甩臼，我搵人扶起我，幫我打999。我等救護車嚟救我，就喺伊利沙伯醫院住足10日。兩條骨斷晒，18粒螺絲上晒喺入面，兩年喇。」
梁珊90年代拍完亞視劇集《呆佬賀壽》後便減產，之後只以客串性質參演影視作品，1999年她到加拿大生活，外界都以為她再沒有演戲的意慾而息影。但梁珊日前在訪問中澄清，自己並沒有息影，只是沒有人找她拍戲。她表示：「唔知點解，我冇拍電視都20幾年，我冇離開過喎，我去咗做幕後、舞台嘢。我想問吓啲導演、監製點解唔搵我演戲呢？」梁珊認為自己不是「煩人」，任何角色都不介意演，但奈何90年代她與亞視完約後，亞視沒有跟她續約，而TVB亦沒有向她招手，加上當時製作量亦大減，她表示自己並非喜歡求人的性格，沒有人找她工作，就乾脆一直休息。梁珊指：「我都覺得好奇怪，咁我心諗……哦……我都唔係呢個時代嘅人，或者我落後，追唔上呢個時代，冇人搵過我。」梁珊透露不介意再接戲，亦期待再拍戲。
