陳懿德前日（19日）現身《萬千星輝賀台慶》，她接受《香港01》 訪問大談自己的戰衣：「今日着咗兩套衫，第一套就好似公主咁嘅服飾，之後我就換咗一套紫色嘅衫，攞個寓意TVB大紅大紫。」她繼續指擔任司儀工作機會難得，並表示：「台慶係我入行嘅終極目標，今日就夢想成真，我知道自己做司儀唔夠膽相信，都激動到喊，好好把握。」
她指網民對於過去的主持表現評價「有懶音」，她說：「我而家開始改善，我要諗每一個聲調同埋口型，係好難嘅件事，有讀報紙，練口型同咬字好用力，有陣時我會攞司儀嘅稿去讀，我搵咗一個配音員去教我正字，聽吓我有冇懶音。」她憶述當年參選香港小姐認識向海嵐，並透露：「今次做司儀又一齊返到去個舞台上，見證住我每一個成長，每一個階段都喺我身邊，幫我手捉懶音，聽我講好多次講稿，不過我都覺得自己要再好啲。」
