最近傳婚變的陳凱琳（Grace)身穿金色低胸露背長裙，性感現身超市活動，Grace自爆連老公鄭嘉穎睇完後也讚她靚，又表示，與鄭嘉穎拍拖時也會一起行超市買餸，兩人手拖手逛超市買餸冇禁忌，覺得簡單就是幸福。
對於最近有網站爆結婚6年的陳凱琳哭訴離婚，Grace一口否定回應道：「有時佢哋咁寫係有話題性，但唔真實，自己唔會嬲，入行11年有咩未見過、未聽過？」有網民看完報道留言鬧鄭嘉穎，陳凱琳即謂：「唔好鬧，冇事，唔使嬲！」她坦言會正能量面對，選擇性看少一點或索性不看，以免影響情緒，老公也不理會。問到是否也這樣教導兒子面對負面情緒？她聲稱會讓大仔和二仔自己解決問題：「有時佢哋會一齊搶玩具，或有對方唔高興嘅嘢，我同老公都唔會即刻分開佢哋，反而會俾佢哋自己去諗一個解決方法，我覺得呢樣好重要，見到兒子一直有進步。」
另外，提到龔嘉欣疼愛小朋友，陳凱琳指對方每次就像「契媽」幫忙照顧兒子，問到會否介紹男仔給嘉欣認識？陳凱琳指嘉欣鋪排自己的事業，笑言最好找個男友跟她一樣疼愛小朋友。
