近年受北上飲食潮影響，香港飲食業頻頻被指經營慘淡，可是有藝人仍堅持開拓香港飲食市場。趁住秋風起，一位TVB靚仔小生把握機會賣大閘蟹，更做埋外賣員？
港男冠軍出身的羅天宇家底豐厚，靚仔有型大把前途。可是他沒有安心做太子爺接手家族業務，反而繼承富媽媽的生意頭腦，發展個人飲食生意。羅天宇日前於社交網分享片段，片中他化身外賣員送大閘蟹，更搞笑地與男客人「眉目傳情」，最後一齊溫馨食大閘蟹。羅天宇為大閘蟹拍了多段片宣傳，繼小食檔後，羅天宇睇準大閘蟹季節，把握時機大賺一筆，認真上進！
據報道指，羅天宇媽媽靠做生意及炒樓起家，主力經營西貢4萬呎的燒烤場生意，羅天宇因而有「燒烤場太子爺」之稱。羅媽媽高峰期一度手持麗港城、匯景花園及黃埔花園等多個物業，一家人住元朗獨立屋，羅天宇雖未曾認家庭背景，只慶幸媽媽做生意使家庭沒負擔。羅天宇選中港男冠軍入行後，拍戲副業兩不誤，近年與圈中好友張景淳、李興華一齊由北上開雞蛋仔檔再開返嚟香港。至於為何入行，羅天宇近日接受《香港01》訪問笑稱是因被媽媽逼入行，一盡孝心為媽媽圓演藝夢。
