現年50歲的著名音樂人伍仲衡近年因擔任《中年好聲音》系列評審，大受觀眾歡迎，人氣不輸參賽者。他於今年8月挑戰完舞台劇後，曾公開表示戲癮大發目前最想做戲，更稱連路人甲角色都不介意。說話一出，他即獲高層賞識加入劇組，有傳他將會驚喜現身處境劇《愛‧回家之開心速遞》。
對此，伍仲衡日前在自家YouTube Channel節目《週五有周伍》中表示的確已加入劇組：「嗱，我冇講我拍乜。咁齊晒人，我哋喺canteen見到佢哋，影咗張相咋嘛，我冇講任何嘢呀，我冇講任何嘢喎，但我確實去拍劇嘅，但係我冇話我拍咩劇喎。你哋自己講咩，不代表本台立場。（總之嚟緊有得睇嘅？）應該未有咁快。（咩角色？）咁梗係唔可以劇透啦。我只可以講我一take，導演就話good take。（因為導演知你冇貨，唔好再嘥時間，但拍劇好辛苦喎）有咩唔辛苦？遇到好嘅劇本我會豁出去。」
伍仲衡近年因在《中年好聲音》擔任評審而人氣急升，最近更連舞台劇都玩埋。日前他接受港台節目《安哥同學會》接受訪問時，遭主持人踢爆好好搵，伍仲衡即時否認，仲話「收入好唔隱定」，他之後提到己入行28年，早年雖然生產力高，但「 10首歌有10首被reject，當時都有諗係咪有人搞小圈子，自問好勤力，一年幾廿隻demo俾公司，不過事後都會覺得呢啲係交學費咁，亦明白市場同藝術要balance得好好。」
伍仲衡又指自己事業轉捩點是在疫情期間，每星期直播兩晚，加加埋埋彈了近4萬多首歌兼完全無睇樂譜，他指：「真係要好鍾意先做到，因為無錢仲要請嘉賓食嘢。」
訪問中，伍仲衡不忘大讚老婆Ida係賢內助，因為對方司機、應酬、接job、化妝整頭、拍片一手包辦，主持人笑言要出返糧俾Ida，點知伍仲衡就話「收入100%落佢戶口，佢要出返糧俾我使 」。雖然收入無得直接落袋，但伍仲衡似乎十分享受，仲話自己現時家庭生活好幸福。
