55歲《中年好聲音2》選手鄭梓浩（Brian）被《星島頭條》獨家連環爆出性醜聞，被前女友Grace指「食軟飯」長達7年，同時又搭上內地「小三」，及被指遭孫耀威已婚妹孫美賢(DaDa)包養，鄭梓浩疑一腳踏三船。日前《中年好聲音》系列評判肥媽亦不恥對方行為，曾鬧爆：「咁X街嘅男人都有嘅？」雖然被肥媽公開批評，但鄭梓浩似乎未有理會，繼續分享寫意生活，昨日（28日）更在IG貼出愜意與狗玩耍照。
自9月5日被同居7年女友Grace大義滅親撕破渣男真面目後，他一直沒有回應事件，終於在9月14日在其facebook發聲明反撃舊愛Grace，並為事件解釋。此後，鄭梓浩繼續「神隱」，只在IG透露行蹤，迎月日（16日）他在限時動能貼片，分享去飲茶食點心片段，心情不俗。
上周二（24日），肥媽接受《星島頭條》訪問時，提到鄭梓浩個名就嬲爆，大聲讉責對方的賤男行為，更皺眉說：「你估你真係會轉彎呀！」對於孫美賢被鄭梓浩笑她似阿婆「搞佢唔起」，就算剛通完波仔的肥媽依然有火，炮轟：「咁X街嘅男人都有嘅？」
昨日（28日）鄭梓浩在IG的限時動態貼相，從照片可見，鄭梓浩身穿白恤衫配黑色短褲襯波鞋，他耷低頭伸手摸摸一隻哥基犬，狀甚愜意。同時亦看到鄭梓浩的身材及面形未有特別改變，看來他被前女友Grace爆醜聞後，心情未有太大影響。
