歌手古巨基（基仔）早前現身內地音樂盛典，本身都好地地，點知佢今日（29日）發文，指自己因中耳炎退出內地節目《我們的歌》，令人擔憂其身體狀況！
古巨基於文中指，自己喺26日晚沖完涼後，突然感到右耳很刺痛並且聽覺模糊，瞓醒一覺後情況依然，便立即前往專科醫生求診：「醫生檢查並在我耳內擷取圖片後，發現我右耳膜及周圍發炎紅腫有耳瘡，診為急性中耳炎，屬感染病毒所致。醫生說估計我右耳當時聽力下降了一半，建議我除了用藥之外還必需要休息…」
不過熱愛工作嘅佢，就未有聽從醫生指示去休息，反而同太太堅持飛上海直奔錄影棚綵排，喺雙耳戴耳機、綵排約一小時後，佢右耳感覺疼痛、耳鳴，更因聽力不平衡導致暈眩，擔心長遠創傷留下後遺症風險，因此只能向《我們的歌》劇組提出退出節目的請求。同時佢亦向合作嘅兩位年青歌手黃霄雲、王赫野以及粉絲們致歉：「期待我盡快康復，能再次為大家帶來我的音樂和舞台。」
