藝人朱智賢（朱朱）、謝東閔這對戀人先後離巢無綫，不過二人的曝光率及人氣都比之前佳，甚有諗頭的他們不時「夾計」拍片PO在社交平台，點擊又多，網民又鍾意，認真有諗頭。日前朱朱又「發功」，於社交網PO了一條爆笑片段，而背景把男人聲就正是謝東閔。片段開頭朱朱企喺於正在充電的座駕車尾，然後謝東閔就話：「喂，壞咗喎，掹唔到喎。」朱朱即時一臉不耐煩謂：「成日都冇鬼用，小小嘢都做唔到﹗」繼而扮勁將腳撐在車身借力，雙手則將充電槍用力掹出，點知唔掹由自可，一掹就出晒火，朱朱整個人失平衡屁股落地，而一把謝東閔的大笑聲亦隨之出現，笑得勁衰、勁誇張，朱朱即時彈起衝向鏡頭方向「還拖」。她又配文：「以後唔好叫我幫你做任何嘢，呢啲唔係叫小器，叫狼來了，求心理陰影面積。」好友林子善則抵死留言：「唔好信呢個男人講嘢，佢次次都話掹唔到㗎。」
藝人朱智賢（朱朱）、謝東閔這對戀…
